Rama naibta’g tunok; wa na sa narcolist

CEBU, Philippines – Naibtan og tunok, mao kini ang pamahayag ni kanhi Cebu City mayor Michael Rama kinsa wala maapil sa lista sa “validated” narco-list nga gibasa ni President Rodrigo Duterte kaniadtong Huwebes sa gabii. Gikalipay kini ni Rama nga nalimpyo iyang pangalan ilabi na padulong na ang local campaign period karong Marso 29.

“God is good all the time. All the time, God is good. The truth has already been presented. I have been claiming that I have never been an addict and neither a drug protector,” sigon ni Rama.

Wala siya masuko ni Duterte bisan paman ikaduha siyang ginganlan niadtong 2016 ug 2017.

Ang maong kalamboan gikalipay sa iyang runningmate nga si Vice Mayor Edgardo Labella kinsa maoy modagan pagkamayor.

Si Labella miingon nga nakahibaw na siya nga dunay proper verification nga molimpyo sa pangalan ni Rama.

“The truth has come out and it will boost the morale of the members of the party and there is no other issue that could be hurled against Rama. I never doubted that Mike Rama is never involved in any drug related activity since we’ve known each other since 1998,” dugang ni Labella.

Gikalipay sab sa iyang mga kaalyado sa konseho nga silang Konsehal Raymond Alvin Garcia, Pastor Alcover, Jr., Eduardo Rama, Jocelyn Pesquera, Joel Garganera, James Anthony Cuenco, Jose Daluz III, ug Renato Osmeña, Jr.

Matud ni Garcia nga makakusog kini sa kampanya ni Rama ug sa grupo ug makaputol na kini sa mga black propaganda sa dili nila kaalyado.

“I saw it coming. The fact that the President endorsed Mike Rama in the PDP rally was a prelude to his non-inclusion in the narco list. It just shows that the President was misinformed and got his wrong information from agencies who were still at that time influenced by the Liberal Party,” sigon ni Garcia. (/IBM)(BANAT NEWS)