Programa sa mga barangay batok druga mihuyang

CEBU, Philippines – Niabot na og 45 ka mga barangay sa probinsiya sa Sugbo ang kuyaw  nga matangtangan og ‘drug cleared status’

Gikan kini sa 245 nga na drug cleared sa tibook lalawigan.

Si Ivy Durano - Meca ang pangulo sa Cebu Provincial Anti-Drug Abuse Office (CPADAO), miingon nga kini base sa gihimo nga monitoring sa ilang buhatan nga nagtutok sa trabaho sa Barangay Anti-Drug Abuse Council (BADAC). Si Meca nagkanayon nga kasagaran sa 45 ka barangay, hinay ang “functionality”sa mga BADAC. “Pasabot wala silay sustainable anti drug abuse program sa ilang barangay” matud ni Meca. Ang uban wala mapadayon o putol putol ang pagpahigayon sa community based treatment program nmo di ba kaha wala mohuman sa treatment program ang mga surrenderers.

Nagpasabot kini nga wala ma “neutralize” ang mga drug surrenderers nga maoy nakaapekto sa drug cleared status sa barangay. Ang ubang barangay wala masalo sa community service aftercare and reintegration program ang mga “completers”. Nasayran hinuon nga asagaran hinoon sa barangay ang wala pa makapatuman sa CSAR sanglit uwahi na nga bahin sa niaging tuig kini nasugdan.

Gidugang ni Meca nga wala siyay kasayoran sa status sa maong mga barangay base sa monitoring sa PDEA ug PNP. Ang 45 ka barangay giendorso ni karon sa regional oversight committee alang sa assessment nga himoon kon diin adto na madesisyonan kon matangtangan ba ang maong barangay og drug cleared status. /LPM (BANAT NEWS)