Maestra nga moatras posibleng kasohan sa Comelec

CEBU, Philippines – Mahimong mapasa-kahan og kaso sa Commission on Election ang mga magtutudlo nga magsilbing electoral board sa eleksyon apan dili modayon. “If na train na sila, no time for them to back out except for emergency.” matud ni Atty. Jerome Brillantes ang acting provincial election supervisor sa Sugbo.

Dugang ni Brillantes nga usa kini ka election offense ug mamahimong ma-priso og unom ka tuig ug perpetual disqualification ang mapahamtang sa usa ka EB nga moatras nga dili balido ang rason.

Ang Comelec nagsugod na og bansay sa mga EBs niadtong Marso 4 alang kini sa sunod-sunod nga training nga gihimo nila isip pagpangandam sa umaabot nga piniliay karong Mayo.

Apil nga gitudlo sa Comelec mao ang general instruction atol sa eleksyon, operation sa vote counting machine ug ang voters registration verification system.

Ang Comelec mihimo sa maong mga training diin “by batch” kini nga mahuman hangtod sa Marso 27.  (/DILT)(BANAT NEWS)