Mag-uuma sa Bohol tabangan sa DA
CEBU, Philippines — Si Department of Agriculture Secretary Emmanuel Piñol, mimando ngadto sa rehiyonal nga direktor sa maong ahensiya, Atty. Salvador Diputado nga pahugtan ang pagsusi sa kamahal karon sa bugas sa kamerkadohan sa Bohol nga posibleng gikontrolar kini sa dagku nga magpapatigayon.
Matud ni Piñol nga pun-an nila ang mga rice processing complex gikan sa duha ngadto sa upat aron adunay daghan nga magamit.
Hatagan usab og capital ang mga mag-uuma aron aduna silay magamit aron sa umaabot nga panahon, sila na ang mo-proseso sa bugas aron nga mobarato kini. Si Piñol, nimando karon sa DA sa pagsusi dayon sa mga panginahanglon sa mag-uuma aron ila gilayon matabangan. Samtang ang mga kalungsuran sa Bohol mipasalig usab nga motabang sa ngalan sa agrikultura. (/DILT)(BANATNEWS)
- Latest
