BFP nangayo og digital-analog repeater system
CEBU, Philippines — Ang Cebu City Bureau of Fire nihangyo sa kagamhanan sa Siyudad sa Sugbo alang sa procurement ug installation sa digital-analog repeater system nga dunay kompletong accessories ug licensing requirements.
Sa suwat nga gipadala ni Cebu City Fire Marshal Chief Inspector Nelson Ababon nihangyo kini og bag-ong radio communication system aron mahulipan ang defective system nga gamiton usab sa pag-communicate sa Cebu City Disaster Risk Reduction Management Office (CCDRRMO) ug ubang Barangay Fire Brigades sa pagresponde ug uban pang kalihukan.
“We are prompted to make this reiteration due to the present condition of our Radio Repeater System that a couple of months ago had unreadable signal and at times the system was rendered totally defective to the detriment of our responses more so with the welfare of the public whom we serve and protect”, tipik sa suwat ni Ababon.
Nunot niini, ang acting operations head sa CCDRRMO Ronald Malacora nagkanayon nga ang maong sitwasyon makaapektar sa kabomberohan gumikan kay magyawgaw na hinuon kini tungod kay wala nay mohatag og instructions.
Matud ni Malacora nga mohangyo siya kang Mayor Tomas Osmeña ug i-propose sa budget karon aron masulod kini ug mahatagan ang kabomberohan sa ilang panginahanglan sa radio communication system.
Ipasusi una ni Malacora kun pila ang gikinahanglan nga pundo alang sa maong radio system communication.
Dugang ni Malacora nga adunay igong pundo ang disaster alang niini. (BANAT NEWS)
- Latest
