Guwardiya patay nang napalgan
CEBU, Philippines – Patay nang napalgan ang guwardiya sa usa ka subdivision diha sa Barangay Biasong, Siyudad sa Talisay niadtong Martes sa gabii.
Ang namatay nailhan nga si Israel Panis, 31-anyos, taga Sitio Laray, Barangay San Roque sa nahisgutang siyudad.
Sa pasiunang imbistigasyon sa kapolisan nasuta nga natulog si Panis diha sa ilang bunkhouse.
Apan sa wala pa kini napalgi nga patay na giingong nagreklamo si Panis ngadto sa iyang kauban nga lain ang pamati sa iyang lawas.
Si Nasser Manago, kaubang guwardya ni Panis nitug-an sa kapolisan nga gitambagan niya ang namatay nga mo inom og tambal.
Mga pipila ka oras ang nilabay wala nimata si Panis aron mo-duty hinungdan nga gipukaw kini sa iyang kauban apan wala na kini mo mata.
Ang mga niresponde nga polis giingong walay nakitang foul play sa maong pagkamatay ni Panis. (/BDB)(BANAT NEWS)
- Latest
