13 ka obispo moapil sa NYD 2019
CEBU, Philippines — Gilauman nga trese ka mga obispo gikan sa nagkadaiyang lugar sa nasud ang moapil sa umaabot nga National Youth Day (NYD) 2019 nga ipahigayon sa Dakbayan sa Sugbo karong April 23-27.
Gipahibalo ni Fr. Andrei Ventanilla, assistant chairman sa Commission on Youth nga karon palang mipadala na og mensahe ang trese ka mga obispo nga moapil sila sa kalihukan sa mga batan-on sa tibuok nasud.
Gipadayag ni Ventanilla nga subsob na ang ilang pagpangandam alang sa dakung kalihukan diin gipaabot nga dili momenus sa 10 mil ka mga batan-on ang motambong sa maong kalihukan.
Sa pagkakaron busy usab ang kabatan-onan sa mga nagkadaiyang parokya ubos sa Archdiocese of Cebu alang sa nagkadaiyang kalihukan subay na sa NYD 2019.
Adunay mga lugar sa Lalawigan sa Sugbo ang lakip sa festival sites ug adunay mga pamilya nga giandam aron mopapuyo sa mga batan-ong delegado gikan sa laing lugar sa nasud. (/DILT)(BANATNEWS)
- Latest
