Mobuga og itom nga aso ipadakop
CEBU, Philippines — Giawhag sa konseho sa Siyudad sa Sugbo ang Cebu City Transportation Office (CCTO) ug Cebu City Environment and Natural Resources Office (CCENRO) sa pagdakop sa mga milapas sa Anti-Smoke Belching Ordinance.
Atol sa regular session niadtong miaging Martes, ang mga konsehal miaprubar sa resolusyon ni environment ug health activist Konsehal Joel Garganera.
Si Garganera mi-draft sa resolusyon human niya mabantayan nga adunay “excessive” emission sa aso gikan sa mga sakyanan nga posibleng makaapektar sa panlawas sa riding public ilabi na sa mga batan-on. Matud niini, kadtong indibidwal nga na-stranded gumikan sa kahuot sa trapiko maoy sagad maigo sa respiratory-related diseases ug nabalaka siya niini.
Kini midugang panahon na sab sa mga hingtungdang ahensiya nga istriktong mopatuman sa palisiya aron pagmenus sa bati nga impact sa pagbuga sa itom nga aso.
Si CTTO operations chief Francisco Ouano miingon nga gipatuman nila ang maong ordinansahon.
Iyang giasoy nga gibanabanang 20 ngadto sa 30 ka drivers ang gipahamtangan nila og multa gumikan sa paglapas sa maong ordinansa. (BANAT NEWS)
- Latest
