Pagbansay sa BET sugdan sa Marso
CEBU, Philippines — Sugdan na karong buwan sa Marso ang pagpaubos sa training sa mga board of election teller alang sa eleksiyon sa Mayo.
Gibutyag ni Atty. Jerome Brillantes, acting provincial election supervisor sa Sugbo nga magsugod ang training sa mga BET sa Marso 4 hangtud sa Marso 27, 2019. Halos usa ka bulan nga sunod-sunod nga training sa managlahing grupo sa mga BET sa tibuok Lalawigan sa Sugbo.
“For three days ang training. Naa na mi schedule ana, didto sa mga BET sa north ug naa pod sa south. Series of training ni siya within one month”,matud ni Brillantes.
Gawas sa pagtudlo kon unsaon pagpaandar ang mga vote counting machines (VCM) ug ingon man general instruction atol sa election apil usab sa itudlo ang bag-ong sestema sa Comelec sa umaabot nga piniliay.
“Ang atong training most especially not only sa operation sa VCM they will be trained also about sa GI (general instruction) sa election and then they will also be trained sa atoang voters registration verification system so ila sab nang tun-an”, padayag ni Brillantes.
Matud usab ni Brillantes nga sanglit dili naman compulsory ang mga magtutudlo sa pampubliko nga tunghaan nga mahimong BET ang mga magtutudlo sa pribadong eskwelahan mamahimo kining maka-apply ug kon walay mo-apply nga magtutudlo mamahimo ra ang mga sibilyan.
Kinahanglan lang nga registered voter kini, maayo ang reputasyon ug kinahanglan dili kabanay sa nidagan nga kandidato. (/BDB)(BANATNEWS)
- Latest
