89 ka pamilya apektado sa demolisyon
CEBU, Philippines — Makadawat og hinabang ang 89 ka pamilya kansang panimalay gi-demolish sa Siyudad sa Sugbo alang sa road opening ug clearing sa tulo ka barangay.
Ang matag pamilya makadawat og tag P10 mil gikan sa kagamhanan sa dakbayan.
“The Cebu City Government through the Division for the Welfare of the Urban Poor (DWUP) have a project to be implemented such as clearing, road opening, and laying of filling materials in wet land area which is intended for relocation of the structure owners affected by road opening and embankment,” matud sa suwat sa DWUP ngadto sa Local Housing Board kon LHB.
Sa maong suwat, ang DWUP mihangyo sa LHB nga aprubahan ang paghatag og ayuda sa matag pamilya nga apektado sa pag- implementar sa road clearing.
Ang LHB misanong nga mohatag og ayuda ug ang board mi-request sa City Council nga mopasar sa resolusyon.
Sa miaging Martes, gi-aprubahan sa konseho ang tulo ka resolusyon ni Konsehal Eugenio Gabuya, Jr. sa paghatag sa P10 mil matag 89 ka pamilya.
Sa Brgy. Duljo Fatima, 58 ka istruktura ang apektado sa clearing, road opening ug pag-abuno sa wet land area.
Ang sa Brgy. Banilad, ang 27 ka pamilya ang mapapahawa tungod sa pagimplementar sa proyekto sa gobyerno sama sa road opening, restoration, ug widening.
Samtang sa Brgy. Sambag 1, adunay upat ka pamilya ang i-demolish kay nag okupar kini sa city-owned nga lugar diin anaa ang Day Care Center ug Cebu City Condominium. (/DILT)(BANATNEWS)
- Latest
