E-trikes malangan pa; E-jeeps modagan na

CEBU, Philippines – Gihangop sa pipila ka mga traysikol drayber sa Dakbayan sa Lapu-Lapu ang  gikataho nga malangan  pa ang pagpadagan sa mga Electric Tricycle o E-trike. Apan madayon na gyud ang Electric Jeep o E-Jeep ang mahinayon na gyud niining mosunod nga bulan kay nakumpleto na ang mga rekisitos nga gikinahanglan. 

Nunot niini si Mayor Paz Radaza mipadayag nga karong Pebrero 8 na padaganon ang mga E-Jeeps samtang mosunod unya ang mga E-Trikes kon masulbad na ang mga nasinati nga kakulian.

Naglakip na niini ang gihimong pahimangno sa Department of Interior and Local Government nga dili gyud padaganon ang mga E-Trikes sa mga nasudnong kadalanan.

Kahinumduman nga una untang mopadagan og E-Jeeps ang mga sakop sa United Drivers Operators Transport Cooperative (UDOTCO) niadtong Disyembre sa miaging tuig apan wala kini mahinayon gumikan sa naasoy nga mga kakulian.

Nasayran nga moabot sa 50 ngadto sa 100 ka E-Jeeps ang gilauman nga padaganon alang  sa pagpamasahero sunod buwan. (/DILT)(BANAT NEWS)