Medical wastes nakit-an sa Sibonga

CEBU, Philippines – Gipasusi karon sa regional director sa Department of Environment and Natural Resources (DENR)-7 Gilbert Gonzales ang giingong medical waste nga nakit-an diha sa kabaybayonan sa Lungsod sa Sibonga. Matud ni Gonzales nga nagpadala na siya og personnel nga mosusi sa lugar aron usab ilang masayran diin gikan ang maong mga medical waste ug ang nag-transport niini nga naabot kini sa maong lugar. Sa usa ka social media post usab nakita diha sa Barangay Bagacay, Sibonga niadtong adlaw nga Sabado ang susama sa mga basura nga nakita diha sa kabaybayonan sa Dakbayan sa Lapu-Lapu.

Si Gonzales nimando usab ngadto kang EMB-7 regional technical director, Engineer William Cunado nga i-monitor ang tanang hotel, condominium, malls o kadtong dagko nga establisamento nga potential nga mopagawas ug dakong volume sa sewage aron maka-provide og sewage treatment plant nga mo-treat sa discharges gikan sa tanang establisamento.

Matud ni Gonzales nga dili pa sila makahatag og pamahayag kong luwas o dili ang kadagatan sa Mactan gumikan sa medical waste apan padayon pa sila nga nagpahigayon og evaluation niini. Samtang si Atty. Unalee Monares, hepe sa legal division sa EMB-7 nibutyag nga wala pa nila napatuman ang silot batok sa duha ka tambalanan ug contractor niini tungod kay nangayo kini og 15 ka adlaw aron makaduso sa ilang position paper kalabutan sa gihatag kanila nga notice of violations.

Sa laing bahin, si Mayor Paz Radaza  sa Dakbayan sa Lapu-Lapu mohatag og bugas isip tabang sa mga naapektohang mananagat sa pagpanglutaw sa mga medical waste,

Gitahasan ni Radaza ang buhatan sa City Social Welfare and Services Office sa pagkuha sa mga pangalan sa mga pamilyang naapektohan

Samtang ang Bureau of Fisheries and Aquatic Resources (BFAR)- 7 niawhag sa publiko nga dili mahadlok sa pagkaon og isda tungod kay dili kini magpaduol sa kabaybayonan ug dili mokaon og rubber lakip ang syringe.  ang supply sa isda gikan kini sa Bantayan, Mindanao ug Bohol. (Romeo T. Limpangog/BDB)(BANAT NEWS)