PDRRMO mopadala og responders atol sa kalihukan sa Sinulog
CEBU, Philippines — Nagsugod na sa pagpadala og personnel ang Provincial Disaster Risk Reduction and Management Office (PDRRMO) alang sa mga kalihukan sa kasaulogan sa kapistahan ni Senior Santo Niño.
Kagahapon atol sa Walk with Jesus ang unang adlaw sa pagpadala og personnel sa PDRRMO diin magpadayon na ang deployment hangtud sa fluvial precession, foot procession ug Sinulog grand parade. Matud ni Baltazar Tribunalo, Jr., pangulo sa PDRRMO nga mopakatap usab sila og usa ka team diha sa devotee city.
Gibutyag ni Tribunalo nga inig bukas sa devotee city ipadala nila ang ilang respond vehicle ug usa ka team nga langkuban sa unom ka personnel.
Gawas sa mga personnel sa PDRRMO apil usab nga motabang sa pagbantay ug pagtubag kon adunay mahitabong emerhensiya ang ubang responders sa ubang mga local government units sa Lalawigan sa Sugbo diin kasagaran niini ang naggikan sa mga component cities.
Apil nga mopadala og emergency responders ang Dakbayan sa Talisay, Mandaue City, Lapu-Lapu City ug Lungsod sa Cordova. BDB (BANAT NEWS)
- Latest
