Kampo palig-unon
CEBU, Philippines — Nunot sa maong panghitabo mas gipalig-on nila ang ilang depensa sa kampo ingun man ang padayong pagpahinumdom sa mga polis nga dili molakaw nga mag-inusara aron malikayan ang pagpangharass sa mga rebelde.
Samtang ang hepe sa Cebu City Police Office nga si Senior Supt. Royina Garma nagkanayon nga bisan og wala silay nadawat nga pagpanghulga sa mga rebeldeng grupo, gimandoan gihapon niya nga i-update ang camp defense plan.
"As far as Cebu City is concerned, wala tay nadawat (nga threat) but of course we are always alert and we keep on reminding the station commanders in the units to be always prepared and last month kung nakita nyo, I directed the station commanders to update ang camp defense plan sa each stations," si Garma nagkanayon.
Samtang ang tigpamaba sa Cebu Provincial Police Office nga si Supt. Janette Rafter nagkanayon nga gimandoan sab sila sa ilang direktor nga si Senior Supt. Manuel Javier Abrugena nga bisan pa man og walay pagpanghulga nga nadawat, magmabinantayon sila karon.
Miluwat na og memorandum si Police Regional Office-7 Director Chief Supt. Debold Sinas sa pag half-mast sa Bandila sa nasud diha sa ilang mga kampo agi og pagbangotan. Si Gabuya usa sa mga nipuli sa gipangrelibohang pwersa sa Pari-an Police Station ug didto nahimo kining deputy chief.
Giingong gipadala kini sa Guihulngan sanglit nanginahanglan ang maong estasyonan og mga polis nga adunay mga special trainings sama ni Gabuya nga kanhi sakop sa Special Weapons and Tactics sa CCPO ug giingong sharp shooter kini. (/IBM)(BANATNEWS)
- Latest
