300 sa bombero sa BFP-7 gi-drug test
CEBU, Philippines – Kapin sa 300 ka mga sakop sa Bureau of Fire Protection sa rehiyon ang gipaubos sa kinalit nga drugtest kagahapon sa buntag human sa kalihukan sa 45th Fire Service Recognition uban sa tema nga "Pagbibigay-pugay sa mga Buhay na Bayani ng Makabagong Panahon" sa usa sa mga hotel sa Dakbayan sa Sugbo
Wala tugoti nga makagawas sa venue ang mga kabomberohan human sa ilang kalihukan kay didto gipahigayon ang surprise drug test.
Matud ni Fire Senior Supt. Gilbert Dolot, ang bag-ong regional director sa BFP-7 nga aduna silay polisiya nga gihuptan alang niadtong mga magpositibo sa ilegal nga drugas.
Sumala pa ni Dolot, pasakaan nila og kaso ang magpositibo ug kon magmalampuson ang kaso mataktak kini sa serbisyo.
Giawhag niya ang kabomberohan nga dili gyud mogamit og illegal drugs kay wala kini luna sa BFP. (/DILT)(BANAT NEWS)
- Latest
