Pagpasar sa E-VAWC gihangop ni Magpale
CEBU, Philippines – Gihangop ni Bise Gobernador Agnes Magpale ang pagpasar sa balay balaoran sa third ug final reading sa Expanded Anti-Violence Against Women and Children (E-VAWC).
Ang mga magbabalaod niaproba sa House Bill 8655 o ang pag-amender sa Akta Republika 9262 kun “Anti-Violence Against Women and their Children Act of 2004”.
Sa maong balaod gilakip na ang psychological violence nga mahimo pinaagi sa paggamit sa mga electronic device o information technology ug uban pa aron pag-abuso sa mga kababayen-an ug kabatan-onan.
Naglakip niini, ang pagpakatap og mga law-ay nga video aron i-harass ang mga babaye ug kabatan-onan, pang-harass kanila pinaagi sa text messages, stalking ug ang paghimo og peke nga social media accounts aron nga daoton ug hatagan og bati nga dungog ang usa ka babaye ug bata.
Si Magpale kinsa chairman sa Provincial Women’s Commission nagkanayon nga tungod kay naka set na ang national law batok sa mga moabuso sa mga kababayen-an mapadali na ang prosekusyon sa mga kaso nga ilang gipasaka ug ipasak sa mga madakpan.
Nakalatid sa HB 8655 nga ang mga VAWC victim hatagan kini og 10 ka adlaw nga leave nga adunay bayad ug silotan ang mga supervisor nga modumili niini.
Samtang katong mga mapamatud-an nga sad-an sa electronic violence makabayad kini og dili P300 mil ug dili molapas sa P500 mil nga multa. (/BDB)(BANAT NEWS)
- Latest
