BNS sa tibuok rehiyon-7 magtigom

CEBU, Philippines – Magtigom ang 1,500 ka Barangay Nutrition Scholars (BNS) sa tibuok rehiyon-7 alang sa ilang ika-14th conference sulod sa duha ka adlaw nga magsugod karong adlawa ngadto sa Probinsiya sa Bohol.

Ang maong tigom nga gipangulohan sa National Nutrition Council-7 inubanan sa Federation of Barangay Nutrition Scholars’ Associations-7 Inc. nagtinguha nga magkahiusa ang mga BNSs alang sa implementasyon sa Philippine Plan of Action for Nutrition 2017-2022 sa matag barangay.

Ang PPAN nagsilbi kining usa ka framework isip giya sa mga stakeholder kabahin sa pwede nilang matampo alang sa pagpalambo sa nutrisyon sa nasud.

Naglangkub sa PPAN ang mga priority action ug gipatuman kini sa inter-agency Local Nutrition Committees pinaagi sa ilang mga nagkadaiyang kabahin sa nutrisyon sa matag local government unit.

Tinguha usab sa maong tigom mao ang pag-edukar sa mga BNS sa ilang buhaton kabahin sa PPAN 2017-2022 ug unsaon kini pag-align sa Barangay Nutrition Action Plan ug sa Regional Plan of Action for Nutrition.

Ang nahisgutang tigom aduna kini tema nga  "BNS, Bayani ng Nutrisyon, Noon, Ngayon at Bukas!".

Karong tuiga mao ang ika-40 anyos na sukad gipirmahan ang PD 1569 aron sa pag-establisar sa BNS program diin gitinguha  sa maong balaod nga magbutang og bisan usa ka BNS sa matag barangay sa nasud alang sa implementasiyon sa programa sa barangay nutrition. Si Maria Bernardita Flores, assistant secretary sa Department of Health ug NNC executive director maoy usa sa mga pinasidunggang dinapit inubanan nila ni Bohol Governor Edgardo  Chatto ug Tagbilaran Mayor John Geesnell Yap II. (/BDB)(BANAT NEWS)