Sinulog 2019 himuong bongga
CEBU, Philippines – Gitinguha sa kagamhanan sa Dakbayan sa Sugbo nga panindoton pa ang pagsaulog sa Sinulog 2019 diin himuon nila kining labing colorful.
Si Konsehal Dave Tumulak, executive committee chairperson sa Sinulog nibutyag nga ilang i-showcase ang imahen ni Senior Santo Niño sa kalibutan tungod kay nakita nila nga dunay nagkalain-laing nasud nga nagsaulog sa Sinulog.
Kini ang hinungdan nga kadtong mga nasud nga magsaulog sa Sinulog i-apil kini sa Sinulog 2019 diin ilang ipadala ang ilang Sinulog dance presentation nga makita sa mga Sugbuanon.
Lakip sa maong mga nasud mao ang Singapore, New Zealand, South Korea diin makita ang ilang presentasyon atol sa Sinulog Grand Parade diha sa Cebu City Sports Center.
Matud ni Tumulak nga pagpangandam usab kini sa tuig 2021 nga mao ang 500th years nga Kristiyanismo sa Pilipinas.
Sa sunod tuig giingong gamiton ang Fuente Osmeña Circle alang sa mga school presentation ug food park aron ipakita ang nagkalain-laing delicacies sa mga kabarangayan sa siyudad.
Samtang, diha sa Plaza Independencia naa gihapon unya ang fiesta sa barangay. Gawas niini, posibleng dunay ipahigayon usab unya nga concert ug party diha sa South Road Properties. (/BDB)(BANAT NEWS)
- Latest
