Pabrika sa feeds gipahunong

CEBU, Philippines – Gipahunong sa kagamhanan sa Siyudad sa Talisay ang operasyon sa Porvera sa paggama og lawog sa hayopan sugod niadtong Lunes.

Kini human wala naka-renew sa ilang business permit ang operasyon sa maong kompaniya.

Si Atty. Giovanni Sususco, City Legal Officer, nagkanayon nga naghimo sila og close monitoring aron sundon sa kompaniya ang ilang kamanduan.

Gani ang mga empleyado sa maong kompaniya nakigtagbo sab kaniya aron hisgutan ang ilang estado nga nakulban sa kaldero. Si Mary Jane Enrile, pangulo sa Licensing Office sa dakbayan, nitataw nga ang Porvera nakakuha og permit sa niaging tuig apan karon wala naka-renew. Sa pagkakaron, ang warehouse permit sa Porvera wala apektohi apan ang operasyon sa paghimo og feeds ang gipahunong.

Ang maong kompaniya hagbay ra nga gireklamo sa pipila ka tawo nga nagpuyo sa dapit gumikan sa kabaho. Apan niadtong niaging semana nag-abot sa buhatan ni Mayor Eduardo Gullas ang mga reklamante ug ang mga residente sa lugar nga nakabenepisyo sa kompaniya diin nagtrabaho ang ilang mga kabanay. (/GMR)(BANAT NEWS)