Boy Radaza balik politika sa Lapu-Lapu

CEBU, Philippines – Mobalik sa eksena sa politika si kanhi kongresista Arturo “Boy” Radaza kinsa magpapili sa pagka-mayor sa Dakbayan sa Lapu-Lapu sa eleksiyon sunod tuig.

Ang iyang asawa nga si Mayor Paz Radaza kinsa mapupos na sa iyang termino ang magpapili sa pagka-kongresista nga karon gihuptan sa anak nga si Kongresista Aileen Radaza.

Ang tandem ni Boy sa pagka-bise mayor mao ang pag-umangkon nga si Konsehal Harry Radaza ubos sa Lakas-Kampi.

Ang mga kandidato sa pagka-konsehal mao sila si Bise Mayor Marcial Ycong, Konsehal Cipriano Flores, Hose Dungog, Gregorio Paquibot, Flaviano Hiyas, Efren Herrera, Rico Amores, Rex Mangubat, Junrey Gestopa, Elias Berdin, Rodulfo Potot ug Queenie Malingin.

Samtang nakaduso na sab sa ilang Certificate of Candidacy (COC) ang grupo nilang Mandaue City Mayor Luigi Quisumbing ug Bise Mayor Carlo Fortuna ubos sa Hugpong Mandauehanon ng Pagbabago.

Ilang mga kandidato sa pagka-konsehal mao sila si Konsehal Elmer Cabahug,  Olin Seno, Kevin Cabahug, kanhi konsehal Alfonso Albaño, Jose Jefferson Ceniza, Bobby Ben Basiga, Laiza Kristel Gingoyon, Leo Saberon, Paknaan Barangay Kapitan Malaquias Soco ug kanhi Canduman barangay kapitan Leo Jabas. (/GMR)(BANAT NEWS)