Diamante nasagmuyo sa PDP-Laban
CEBU, Philippines — Niatras sa tinguha nga mag-kongresista sa ikatulong distrito si Tuburan Mayor Democrito Diamante. Kini human wala siya hatagi og certificate of nomination and acceptance (CONA) sa Partido Demokratiko Pilipino-Lakas ng Bayan (PDP-Laban).
Matud ni Diamante nga boluntaryo siyang nipahawa sa PDP-Laban.
"Nasagmuyo nga dunay political maneuvering apan normal man. No need to insist if dili na ganahan ang party nimo," matud ni Diamante.
Si kanhi kongresista Pablo John Garcia maoy gihatagan og CONA sa PDP-Laban alang sa maong posisyon.Si Diamante nipili na lang nga modagan sa pagka-bise mayor sa Tuburan samtang ang iyang igsuon nga si Bise Mayor Danilo Diamante ang modagan sa pagka-mayor sa umaabot eleksyon.
Sila niduso sa ilang certificate of candidacy kagahapon sa buhatan sa Commission on Elections sa lungsod. (BANAT NEWS)
- Latest
