PRO-7 andam motubag sa imbestigasyon sa Senado

CEBU, Philippines — Ang tigpamaba sa Police Regional Office (PRO)- 7 nga si Police Superintendent Reyman Tolentin nagkanayon nga masaligon sila nga makapanalipod kong ipaubos sa imbestigasyon sa Senado kabahin sa sunod-sunod nga patay sa Sugbo.

Hinuon wala pa sila nakadawat nga direktiba gikan sa ilang mga labaw apan giingong andam sila nga moatubang ngadto sa Senado. Matud ni Tolentin nga wala makaapekto sa ilang morale ang pagduda sa Senado kabahin sa ilang operasyon batok sa ginadiling druga.

Matud usab ni Tolentin nga wala sila magtuo nga na-bad light ang Sugbo diin gihimo lang nila ang ilang  mga trabaho.Gikataho nga ang oposisyon sa Senado buot magpahigayon og inquiry kabahin sa nagkadaghang kaso sa mga pagpatay sa Sugbo.

Kini aron klarohon ang mga taho nga adunay kalambigitan ang polis sa maong mga kaso. (BANAT NEWS)