Gipusil patay way nakaila

CEBU, Philippines – Patay ang wala hiilhing lalaki dihang gipusil sa may Sitio Sawsawan, San Roque, Dakbayan sa Talisay niadtong Martes sa hapon.

Ang biktima gihulagway nga naghubo sa iyang senina nga naglingkod sa maong lugar samtang ang wala hiilhing mamumuno yano lang nga nilabay sa maong lugar dayun pusil makatulo ka higayon.

Base sa imbestigasyon sa kapolisan nasuta nga wala gyu’y nakaila sa gipatay sa lugar.

Ang mga nirespondeng polis nakarekober og tulo ka kabhang sa .45 kalibre nga armas.

Nagduda ang awtoridad nga ilegalista ra sab ang biktima nga giunay sa laing ilegalista. (/GMR)(BANAT NEWS)