Ex-kagawad, igsuon gipatay

CEBU, Philippines — Patay ang kanhi barangay kagawad sa Barangay  Tabok, Dakbayan sa Mandaue  ug ang igsoong lalaki human silang duha gipamusil sa riding-in-tandem diha sa Upper Tabok, Dakbayan sa Mandaue Sabado sa gabii. Si Senior Inspector Rodgen Fodutan, hepe sa Presinto 3 sa Mandaue City Police Office (MCPO) miila sa mga biktima nga mao si kahhi barangay kagawad Wendell Alilin, 39, ug ang manghod niining si Bryan, 35 anyos. Sa miaging eleksyon sa barangay niadtong Mayo naparot si Wendell pagpasubli unta niini sa katungdanan.

Matud ni Fudotan si Bryan maoy nagmaneho sa motorsiklo ug nag-angkas ang maguwang samtang sila pauli na sa ilaha.

Pag-abot nila sa maong dapit kalit silang gitaparan og laing motorsiklo ug ang backrider mipaulan kanila og bala hinungdan sa pagkasukarap diha sa sementadong karsada ug nangamatay.Padayon pa ang kapolisan sa ilang imbestigasyon. (Romeo  T. Limpangog/IBM)(BANATNEWS)