Liloan PESO gipasidunggan sa DOLE

CEBU, Philippines – Ang lungsod sa Liloan napiling Best Public Employment Service Office (PESO) sa rehiyon-7 ug Best PESO Sa Lalawigan sa Sugbo sa Department of Labor and Employment (DOLE).

Niadtong Lunes ang maong pasidungog gihatag sa DOLE ngadto sa Liloan.

Ang Liloan usa usab sa national finalists isip Best PESO sa Pilipinas.

Si Mayor Christina Garcia Frasco mapasalamaton kaayo sa PESO officer nga si Dicdic Reuyan ug sa ilang team tungod sa ilang kakugi ug dedikasyon sa trabaho hinungdan nga nakadawat sila og pasidungog.

Ang livelihood and employment lakip kini sa 10-point agenda ni Frasco ug ang job generating programs nga naghatag og mga oportunidad ngadto sa 10,000 ka Liloanon sa milabay nga duha ka tuig. (/BDB)(BANAT NEWS)