Tulo ka polis girelibuhan

CEBU, Philippines — Gipalagpot ang tulo ka polis sa Siyudad sa Talisay human daghang reklamo ang nadawat batok kanila.

Si Supt. Marlu Conag, hepe sa kapolisan sa dakbayan, nagkanayon nga dili lang usa o duha ka tawo ang nibutyag sa mga pangalan sa maong mga polis nga sila nalambigit sa ilegal.

Si Conag nibutyag nga drug protectors ug illegal gambling protectors ang tulo. Nihangyo hinuon siya nga dili lang panganlan ang maong mga polis samtang padayon pa ang ilang imbestigasyon.

Matud ni Conag nga sa dihang nilutaw ang ilang mga pangalan nihimo siya og kaugalingong balidasyon ug iyang giduso ngadto sa Cebu Provincial Police Office (CPPO).

Subli niyang gipahimangnoan ang mga sakop nga dili magpatintal sa mga ilegalista. (BANAT NEWS)