Barangay hall gilungkab

CEBU, Philippines — Bisan barangay hall wala palabya sa mga kawatan human gilungkab ang maong buhatan sa Barangay Magcacong sa bukiran nga bahin sa Sibonga niadtong Domingo sa kaadlawon.

Si Senior Police Officer 1 Reynaldo Celebrado, sa Sibonga Police Station miingon nga si Kagawad Victoriano Mangubat maoy nakabantay nga nagkang-a ang pultahan sa barangay hall.

Gitawag dayon niini ang treasurer sa barangay ug sa gihimo nilang imbentaryo nadiskubrehan nga nawala na ang laptop sa barangay apan gibilin ang charger niini.

Matud pa giligwat sa kawatan ang bisagra sa pultahan aron makasulod tungod kay dili man basta maagian tungod sa mga grills.

Dako ang pagtuo ni Celebrado nga taga diha ra sa maong dapit ang mga kawatan. (BANAT NEWS)