39 kolurom nasikop sa LTFRB-7
CEBU, Philippines — Ang Land Transportation Franchising and Regulatory Board (LTFRB)-7 sa Central Visayas makabaton na og bag-ong director sugod karong adlawa.
Sa wala pa ang iyang pagbalhin sa bag-ong assignment karong adlawa, si LTFRB-Region 7 director Ahmed Cuizon mi-report nga aduna pay usa ka public utility vehicle nga walay prangkisa apan ilegal nga nag-operate sa Dakbayan sa Mandaue ang ilang nadakpan niadtong Biyernes, Agosto 10.
“It (taxi cab) now joins the crowd of illegal vehicles at our parking area, bringing our apprehensions to 39 colorums so far this year,” matud niya.
Siya malaumon nga ang LTFRB-Region 7 makalapas sa 2017 accomplishment sa dili pa mahuman ang tuig bisan og dili na siya ang magdumala niini.
Niadtong 2017, 50 ka kolorum nga sakyanan ang nadakpan sa ilang enforcement team.
Iya usab nga gi-welcome ang umaabot nga regional director sa rehiyon nga si Eduardo Montealto Jr. kinsa nakabase sa Zamboanga City ayha pa gidestino dinhi.
Ang pagbalhin kang Cuizon kabahin sa direktiba ni Transportation Secretary Arthur Tugade nga reshuffling sa pito ka mga LTFRB regional officers epektibo karong adlawa.
Si Tugade, sa usa ka special order niadtong August 7, mimando sa pagbalhin ni Cuizon ngadto sa San Fernando, Pampanga. (BANAT NEWS)
- Latest
