Rallos gilubong na

CEBU, Philippines — Gihatud sa iyang kapahulayang dayon ang assistant operation chief sa Philippine Drug Enforcement Agency nga si Baby "Earl" Rallos kagahapon sa hapon sa usa ka pribado nga sam-ang sa Liloan. Si Rallos gibanhigan patay niadtong nilabay nga semana sa may Villalon St., Barangay Capitol Site ning Dakbayan sa Sugbo.

Ang pamilya, kahigalaan ug kaubanan ni Rallos nanawagan nga makabaton kini og hustisya.

Dili mominos 20 ka mga sakyanan ang nag-convoy sa paghatud ni Rallos ngadto sa pribadong sam-ang sa Liloan. Hangtud karon wala pa gihapoy lead ang kapolisan kon kinsa ang duha ka mga mamumuno nga mipatay sa maong ahente sa PDEA-7. (/IBM)(BANATNEWS)