Naghikog sa punoan sa lemonsito
CEBU, Philippines — Lalaki nga adunay sakit sa pangutok ang nakit-an patay nga nagbitay sa punoan sa lemonsito sa Barangay Cansuje, Argao niadtong Lunes sa alas 11 sa buntag.
Ang nagpakamatay giila nga si Marlon Orangoyen, 22, molupyo sa Sitio Sibuyan sa maong barangay.
Matud ni Police Officer 1 Jason Lovindino sa Argao Police Station nga ang inahan ang nakakita sa nagbitay niyang anak nga lagom na.
Sumala pa sa inahan nga si Narcisa Orangoyen nga ang biktima adunay maintenance nga tambal kay may sakit sa pangutok nga magsuol-suol.
Nakit-an pa si Marlon nga nipalit og sigarilyo alas 10 sa buntag samtang nilakaw ang iyang inahan kay nagkuha sa mga manghud sa eskwelahan. Gideklarar nga patay na si Marlon ni Dr. Reno Mamac sa Isidro Kintanar Memorial Hospital. (Kenna Kyla G. Calizar, SWU-Phinma Intern/GMR) (BANAT NEWS)
- Latest
