Duna nay gidudahan sa nagpatay sakop sa CTMS

CEBU, Philippines — Aduna nay “person of interest” ang kapolisan sa Dakbayan sa Lapu-Lapu sa nipusil patay sa traffic enforcer nga si Edmund Boter.

Si Supt. Eloveo Marquez, hepe sa Investigation and Detective Management Bureau sa Lapu-Lapu City Police Office, nitug-an nga walay angay ikaalarma ang mga sakop sa City Traffic Management System sa siyudad ilabi na kung serbisyo lang ang ilang gibuhat.

Kini gumikan kay isolated case lang ang nahitabong pagpatay kang Boter samtang padayon pa silang nangaylap og dugang mga ebidensya batok sa duha ka suspek.

Personal nga bangi ug trabaho ang gitutukan nga motibo sa kapolisan sa pagpatay kang Boter bisan og padayon nilang ginuntan ang mga tawo nga nasita ni Boter may labot sa dagan sa trapiko ug sa mga nangawat sa plaza.

Samtang tun-an sab nila ni Marquez ang hangyo ni Mayor Paz Radaza nga maka-body sa mga traffic enforcers ang mga polis tungod kay kuwang sila og sakop. (/GMR)(BANATNEWS)