Oyas, Bercede nag-una sa daghang resolusyon, reports
CEBU, Philippines – Nag-una sa nakaduso og daghang resolusyon sa unang unom ka buwan karong tuiga sa Provincial Board ang ex-officio ug presidente sa Philippine Councilors League (PCL) Cebu Chapter nga si Bokal Earl Tidy Oyas.
Base sa record sa Provincial Secretary's Office, si Oyas nakapalabang og 82 ka resolusyon sukad niadtong Enero hangtud Hunyo ug gisundan nila ni Bokal Christopher Baricuatro ug Bokal Raul Bacaltos nga parehong nakapasar og 69 ka resolusyon.
Ikatulo sa labing daghan nga napasar mao si Bokal Yolanda Daan.
Ang mga sakop sa PB kasagaran mopasar og resolusyon aron pagpadayag sa ilang hunahuna labot sa public policy diin ang mga magbabalaud mopadayag og pagsaway, suporta sa mga social issues ug mamahimo usab nga mopasar sila og resolusyon alang sa "administrative purposes.”
Sa committee reports nga na-refer sa komitiba nga gigunitan sa mga bokal, si Bokal Glenn Bercede kinsa maoy chairman sa committee on planning and development ug committee on energy maoy nag-una sa daghang report nga moabot sa 363.
Gisundan siya ni Bokal Jude Thaddeus Sybico nga maoy majority floor leader ug chairman sa committee on information and communication technology kinsa nakaduso og 303 ka committee reports ug ikatulo si Bokal Horacio Franco kinsa maoy chairman sa committee on waste and means ug nakaduso og 287 ka committee reports. (/GMR)(BANAT NEWS)
- Latest
