Pagkapatay ni Dumpit way mosaksi

CEBU, Philippines – Nakasugat og problema ang mga imbestigador sa Commission on Human Rights sa Bohol may kalabutan sa kamatayon ni Senior Police Officer 1 Adonis Dumpit.

Matud ni CHR-7 Chief Investigator Leo Villarino nga nagpahigayon og imbestigasyon ang ilang team sa Bohol may kalabutan sa maong kaso apan kapuyo ni Dumpit giingong wala kaayo makig-alayon.

Dugang pa ni Villarino nga wala sab silay mga saksi nga ni-kooperar sa investigation team.

Gitug-an ni Villarino nga nangahadlok man gani ang mga polis sa pagbisita sa haya sa namatay samot na ang mga yanong tawo.

Apan malaumon si Villarino nga aduna ra sila unyay makuha nga mga saksi nga maisogon nga motabang sa ilang mga imbestigador. (/GMR)(BANAT NEWS)