Drug Watchlist

CEBU, Philippines — Si Cebu City Police Office City Director Senior Supt. Royina Garma miingon nga si Manal naa sa drug watch list sa kapolisan ug nagduda siya nga mao kini ang motibo sa iyang kamatayon apan ilaha usab subayon kon may nakaaway kini.

"We will do everything that we can. We can also assure the public that we will properly investigate it and put the real perpetrator behind bars," si Albotra miingon.

Gisusi pa kon konektado ang kamatayon ni Manal ug Aquino ug ingon man sa kagawad sa Barangay Kalunasan nga si Roel Mabano kinsa gipasanginlang “narco cop” niadtong panahon nga sakop pa kini sa PNP.

Ganti

Si Cebu City Mayor Tomas Osmeña sa iyahang press conference kagahapon mipahibalo nga mohatag siya og P100 mil nga reward sa makahatag og impormasyon aron masikop ang responsable sa pagpusil-patay nila ni Mabano ug Manal sa miaging gabii.

Personal nga kwarta ang gamiton ni Osmeña alang sa reward nga ihatag niya sa tawo nga makahatag og impormasyon.

Nasayran nga ning semanaha sagunson ang nahitabong pagpamusil bisan sa pasalig sa Police Regional Office (PRO)-7 nga luwas ang Cebu City bisan pa sa pamahayag ni Osmeña nga dili karon luwas ang siyudad.

“I don’t care what they say Cebu City is safe, Cebu City is not safe. I wish I could say it’s safe at this point now it reach the point it’s not safe now. If our regional director says it’s safe well I’m scared because when it’s dangerous and you say it’s safe that means it won’t be safer than what it is now, which to me it’s not safe,” asoy ni Osmeña.

Cars of Interest

Ang mayor mipasalig nga andam siya modawat sa hagit nga ipatuman ang kahapsay ug kalinaw sa siyudad tungod kay dili siya makatugot niining mga duguon nga panghitabo magpadayon.

Gipangayo ni Osmeña ang suporta sa katawhan ilabi na ang pag-report sa mga kadudahang mga tawo sa siyudad ilabi na kining duha ka itom nga “Hyundai cars” nga iyang gihulagway nga ‘cars of interest.’

Nagduda ang mayor nga ang mga nahitabong patay sa siyudad konektado tanan.

Gipahibawo sab ni Osmeña nga ipahunong niya ang paghatag og allowances sa mga tanod sa Barangay Lorega sulod sa usa ka buwan tungod sa padayong paghitak sa ilegal nga drugas sa maong barangay.

Sa pikas bahin, ang  Department of Interior and Local Government (DILG) Cebu City pinangulohan ni Joy Calvo miingon nga mag-agad pa sila sa dagan sa imbestigasyon sa kapolisan kon mahatagan ba og death claims si Mabano.

Samtang sa kaso ni Manal wala kini madawat kay di na siya kagawad karong mga panahona. (Richel Ann P. Basiga USJR Intern/IBM) (BANAT NEWS)