‘Food garden’ sentro sa nutrition month
CEBU, Philippines — Gilusad kagahapon ang Buwan sa Nutrisyon sa tibuok nasud diin ang sa Central Visayas gihimo sa Subangdaku, Siyudad sa Mandaue.
Ang ika-44 nga Nutrition Month nga adunay tema nga "Ugaliing Magtanim, Sapat Na Nutrisyon Aanihin" saulugon sa tibuok buwan sa Hulyo.
Matud ni Parolita Mission, ang nutrition program coordinator sa National Nutrition Council-7, nga ang kalihukan nagtumong sa matag pamilya nga kahatagan og importansiya ang food garden sa matag panimalay aron adunay pagkaon alang sa kalambuan sa natad sa kahimsog.
Gilusad usab ang region-wide ug simultaneous food gardening diin nagdasig gyud sa pagpananum og mga gulay isip tubag sa malnutrisyon.
Nagpahigayon sab og cooking demo diin gipakita ang paggamit og mga ingredients nga anaa ra sa home garden ingon man kung unsaon paghimo og home garden nga isulod lang sa plastik bisan walay luna. (BANAT NEWS)
- Latest
