Kawat sa motor problema sa Talisay ug Minglanilla
CEBU, Philippines — Makigtinabangay ang kapolisan sa Dakbayan sa Talisay ngadto sa kapolisan sa silingan niining lungsod sa Minglanilla aron masulbad ang kinawatay og mga motorsiklo diha sa ilang mga lugar.
Ang operatiba sa kapolisan sa Dakbayan sa Talisay nibutyag nga daghan sila og kaso sa pagpangawat og motorsiklo diin mao usab kini ang nasinati mga problema sa Lungsod sa Minglanilla.
Si Superintendent Marlu Conag, hepe sa kapolisan sa Dakbayan sa Talisay nagtuo nga grupo ang naghimo sa modus ug susama ra nga grupo ang naghimo sa duha ka nahisgutang lugar.
Hinuon giingong dili alarming ang maong mga insidente apan matud ni Conag nga nangita sila og paagi nga mahunong na ang maong problema.
Si Conag miawhag sa mga tag-iya og motorsiklo nga magmatngon kanunay ug dili magpataka og parada sa ilang mga motor ug dili usab ibilin ang ilang yawi nga magtangag lang diha sa yawihanan sa motor aron malikayan nga madagit kini sa kawatan. (BANAT NEWS)
- Latest
