Ang mga polis sa PRO-7 mag-biometrics na

CEBU, Philippines — Ang mga polis kinahanglan na kining mopanso aron masuta kong sayo ba kining mosulod sa ilang trabaho o wala ba mosulod sa trabaho.

Tumong niini nga mahunong na ang mga pangutana sa katawhan kong sayo ba nga mosulod sa trabaho ang kapolisan sama sa ubang mga kawani sa gobiyerno diin mo time-in kini alas 8:00 sa buntag ug mo time-out sa alas 5:00 sa hapon.

Ang direktor sa Police Regional Office (PRO)-7, Chief Superintendent Debold Sinas nagkanayon nga ubos sa mando sa presidente sa nasud ang kapolisan motuman usab kini sa office hours sama sa ubang mga kawani sa gobiyerno.

Matud ni Sinas  nga silang tanan diha sa PRO-7 mag-biometrics diin magsugod kini og alas 6:00 sa buntag hangtud sa alas 9:00 sa buntag ug kong dili makapanso ang usa ka polis makonsidera kini og absent.Sa hapon, ang biometrics buksan kini og balik singko minutos sa dili pa mag-alas 5:00 sa hapon hangtud sa alas 7:00 sa gabii.

Tumong usab sa maong pamaagi aron mahibaw-an kong ang ilang personnel misulod ba kini sa trabaho o wala.

Gipadayag ni Sinas nga ang maong pamaagi una kining magsugod diha sa ilang headquarters ug ipatuman usab unya kini diha sa ubang mga unit sa kapolisan.

Ug kong ang ilang personnel ma-absent o ma-late hatagan kini og higayon nga makaesplika apan kong kanunay na niya kining gihimo pasakaan na og kaso ang maong personnel. (/BDB)(BANATNEWS)