Kawani sa tourism sa Mandaue giimbestigar
CEBU, Philippines – Pipila ka kawani sa Tourism Department sa Mandaue City Hall ang gipaubos sa imbestigasyon nunot sa reklamo sa usa ka pribadong kompaniya nga gipakolektahan og bayad ug gipaagi sa 8888 complain hotlines sa Malacañang.
Gihulagway ni Mandaue City Mayor Luigi Quisumbing nga kasong theft ang maong reklamo ug nagdumili hinoon kini sa pagbutyag kung kinsa ang maong kawani.
Ang budget officer nga si Atty. Giovani Tianero mao una ang gihangyo nga modumala sa Tourism Department.
Gitug-an ni City Administrator, Atty. Danilo Almendras, nga si Josephus Bihag ang officer-in-charge sa Tourism Department kaniadto ang kasamtangang ibutang sa Department of General Services.
Ang kanhi budget officer sa siyudad nga si Magno Garcia ang mabalik na usab sa iyang pwesto. (/GMR)(BANAT NEWS)
- Latest
