Balili property gigamit sa kapitolyo
CEBU, Philippines – Gigamit sa Kapitolyo ang kontrobersiyal nga luna sa Balili property sa Dakbayan sa Naga.
Kini ang gitug-an sa pangulo sa Provincial General Services Office, Jone Sepe, human nagsusi si kanhi Naga City mayor Valdemar Chiong sa ilang hangyo sa Kapitolyo nga paliton ang maong luna.
Matud ni Sepe nga sa pagkakaorn adunay gibutang nga fish pond sa maong property sa Provincial Agriculture’s Office ug adunay mga agricultural inputs nga gibutang samtang anaa sab ang breeding sa kanding sa Provincial Veterinary Office.
Si Chiong nagkanayon nga hayan nakauyon ra ang administrasyon ni Gobernador Hilario Davide III sa maong lugar taliwala sa kontrobersiya nga gikalambigitan ni kanhi gobernador Gwendolyn Garcia.
Ang Department of Energy nihangyo sab sa Kapitolyo nga himoon una nga storage sa mga masakmit nga butane canisters ang maong lugar.
Si Sepe nidugang nga mag-agad siya sa plano sa Kapitolyo kalabot sa maong luna. (/GMR)(BANAT NEWS)
- Latest
