“Sabog” nanunggab napusilan
CEBU, Philippines – Naangol human napusilan sa mga sakop sa Talisay City Police ang usa ka lalaking giingong sabog sa ginadiling drugas human kini nanunggab ug misukol sa dihang kini dakpon didto sa sitio Paglaum, Barangay Bulacao, dakbayan sa Talisay niadtong Lunes sa gabii.
Si PO3 Dennis Onasin sa Talisay City Police Station nibutyag nga usa ka Algen Cabañero, 42, ang gidala sa VSMMC human gikalitan pagdunggab ni Gino Abalo, 32, gamit ang 10 pulgadas nga icepick samtang nipalit og sigarilyo ang biktima.
Natumba ang biktima dayon gitiwasan pa makatulo ka higayun sa suspek diha sa iyang tiyan.
Naabot sila si PO1 Maverick Poloton ug gihangyo ang suspek pagtahan apan nagmagahi ug gihamagan og dunggab ang maong polis hinungdan nga napusilan kini sa iyang hawak ayha pa kini nikalma. Asoy pa ni Onasin nga tiggamitan og ilegal nga drugas ang suspek ug daghan kini og kontra sa maong lugar. (/IBM)(BANAT NEWS)
- Latest
