JICA mobutang og treatment plant
CEBU, Philippines — Magbutang og usa ka Septage Treatment Plant (STP) ang Japan International Cooperation Agency (JICA) sa luna sa Dakbayan sa Sugbo nga iapil sa 93-1 land swaping tali sa dakbayan ug Probinsiya sa Sugbo.
Matud ni Gobernador Hilario Davide III nga naghuwat na lang ang JICA nga hingpit na nga mapatuman ang land swapping aron mapatuman na ang maong septage treatment facility.
"Ang kulang na lang ana is either deed of donation, as part sa among agreement sa (Cebu) city," matud ni Davide.
Ang luna nga gipasabot mao ang anaa nahimutang sa North Reclamation Area (NRA) diin aduna nay daan nakabutang nga STP.
Si Gordon Alan Joseph, co-chairperson gikan sa private sector sa Metro Cebu Development and Coordinating Board (MCDCB), nagkanayon nga ang JICA mogahin og P1 bilyon alang sa maong proyekto.
Matud niya nga ang maong pasilidad importante sa paglimpyo sa tubig.
"The problem in Cebu is 70 percent of household do not have a septic tanks or the right septic tanks. So what is happening is that all the waste is polluting our water supply," matud ni Joseph.
Matud niya nga ang Metro Cebu Water District maoy mo-extract lakip na sa paglimpyo o filter sa hugaw nga tubig aron kini malimpyo.
Target nga masugdan ang konstruksiyon sa maong STP sa unang quarter sunod tuig. (BANAT NEWS)
- Latest
