Usa positibo sa drug test sa CCDRRMO
CEBU, Philippines — Usa ang positibo sa gihimong drug test sa Cebu City Office for Substance Abuse Prevention (COSAP) ngadto sa mga ambulance personnel sa Cebu City Disaster Risk Reduction Management Office (CCDRRMO) samtang nagpahigayon sila sa ilahang case presentation ngadto sa Hotel Elizabeth kagahapon.
“The best option is to resign,” matud pa sa pangulo sa CCDRRMO nga si Nagiel Bañacia.
Malipayon sab si Angelo Calvez, ambulance head nga gipaubos sila sa kinalit nga drug test aron mahibaw-an kinsa ang mga di angayan sa maong trabaho.
Si Gary Lao, hepe sa COSAP miingon nga usa sa 114 nga gipaubos sa drug test ang nagpositibo ug kini taktakon dayon sa serbisyo, subay kini sa palisiya ni Mayor Tomas Osmeña.
“Maayo ra pod nga gipahigayon nato ug surprise drug test ang personnel from the ambulance section considering the fact that they save lives. Sulikmaot man if you save lives and you’re using drugs,” si Lao miingon.
Sa laing bahin, mipagawas og memo ang pangulo sa Human Resources Development Office (HRDO) ngadto sa 34 ka CITOM personnel ug 43 ka Sangguniang Panlungsod (SP) personnel nga wala moagi sa drug test aron sila patubagon sud sa 48 ka oras.
Miingon si Lao nga halos tanan sa CITOM personnel resonable og mga tubag apan adunay usa sa 43 ka SP personnel nga atoa sa adlaw nga gipahigayon ang drug test apan nilikay sa pag-agi niini. Katrina Aguirre ug Jessa Caumeran, CNU Interns/IBM (BANAT NEWS)
- Latest
