PRO-7 uyon polis ipaubos sa military training

CEBU, Philippines – Uyon ang Police Regional Office-7 sa plano ni Presidente Rodrigo Duterte nga ibalik sa pagpaubos sa military training ang kapolisan human iyang nasuta nga lousy o ya-ya na kini.

Tipik kini sa pakigpulong sa presidente atol sa anibersaryo sa Philippine Navy sa Pasay City.

“PNP is civilian in character, mas maayo gyud nga naa tay training nga naa sa laing bureau ug department kay it will further enhance our capabilities especially on countering insurgencies,” matud ni Deputy Public Information Officer, Senior Insp. Reslyn Abella.

Matud ni Duterte nga wala nay maayong nabuhat ang polis sukad nga gibutang kini sa Philippine Public Safety College nga maoy nagpadagan sa Philippine National Police Academy ug uban pang institusyon sa training sa kapolisan. (/GMR)(BANAT NEWS)