Narco-politicians gukdon gihapon

CEBU, Philippines – Padayon ang pag-monitor sa Philippine Drug Enforcement Agency (PDEA) sa mga kandidatong giingong may kalambigitan sa mga ilegal nga drugas, nakadaug man o wala sa nakalabay nga piniliay.

Si Emerson Margate, director sa PDEA-Central Visayas, miingon nga sa mga nakadaug ug sa mga pildero nga mapamatud-ang adunay kalambigitan sa ilegal nga drugas mamahimong mag-atubang og mga kasong administratiba ug kriminal ug dayun ipahigayon ang anti-drug operation.

Wala pa silay konkretong lista apan adunay mga reports nga nag-ingong mokabat 20 ka buok nga narco-politicians ang niduso og Certificate of Candidacy (COC) sa wala pa ang piniliay. (/IBM)(BANAT NEWS)