Naligo sa dagat nalumos

CEBU, Philippines — Patay ang usa ka lalaki nga nalumos samtang naligo sa kadagatan sa Quarry, Looc, Dakbayan sa Danao kuyog ang pamilya kagahapon sa buntag. Ang nalumos mao si Francis Batulan, 19, taga Sitio Bacagay, Sandayong Sur sa maong siyudad.

Matud ni Police Supt. Jaime Quiocho, hepe sa Danao City Police Station, nga gipangita kini sa pamilya dihang kalit lang nawala apan nakit-an na lang nga nalumos na.

Gisuwayan pa pagluwas si Batulan apan patay na kining nadangat sa tambalanan.

Matud ni Quiocho nga wala ray samad-samad o maski unsa nga injury ang lawas ni Batulan. - Jessa V. Caumeran, CNU Intern (BANAT NEWS)