Duha angol sa bangga sa awto, 2 ka trak

CEBU, Philippines – Duha ang naangol sa nagkarambola nga duha ka truck ug usa ka awto niadtong Huwebes sa buntag sa South Poblacion, San Fernando.

Ang mga naangol mao ang drayber sa awto nga si Junard Abalos, 37, molupyo sa Barangay Tongo, ug ang pasahero nga si Maristella Gabillan, 30, taga South Poblacion, sa maong lungsod.

Base sa inisyal nga imbestigasyon sa kapolisan nga gisuwawan sa headlight si Abalos sa kasugat niini hinungdan nga nilikay sa pikas habig apan nabangga sa luyo sa truck ug nabanda paingon sa laing truck.

Nasamdan sila si Abalos ug Gabillan sa lain-laing parte sa ilang kalawasan ug daling gidala sa South General Hospital sa Naga City. (CNU Intern/GMR)(BANAT NEWS)