Nangampanya atol sa panghatag sa seniors’ aid

CEBU, Philippines – Gisabayan sa pagpangampanya sa mga kandidato ang pagpangapod-apod sa binuwan nga ayuda sa mga senior citizens sa Dakbayan sa Sugbo kagahapon.

Lainlain grupo nanghatag og mga flyers, leaflets, stickers ug paypay samtang adunay nipahigayon og libreng check-up.”People are not stupid. If they don’t like you, the people themselves might backfire. They’re taking a chance. When I will move is when they start buying, distributing money, or threatening, deploying intimidating tactics, that’s what I cannot stand,” matud ni Cebu City Mayor Tomas Osmeña.

Apan matud pa sa director sa Commission on Elections-7, Atty. Veronico Petalcorin, nga dili kini kalapasan sa balaud sanglit adlaw pa man sa tingkampanya.

“So pagkangan nga wala na nabuhat nila sa prohibited period, they are allowed to do campaigning anytime,” matud ni Petalcorin kinsa nidugang nga gidili na ang pagpangampanya ugma ug sa Lunes.

Samtang si Ma. Evelyn Macapobre, director sa Department of Social Welfare and Development-7, niawhag sa katawhan ilabi na sa mga benepesyaryo sa ilang programa nga motaho sa ilang buhatan kung aduna silay mga hulga nga madawat sa mga politiko o kaha gamiton ang ilang programa. Matud ni Macapobre nga angayan timan-an sa mga tawo kung kinsa kining mga tawo nga nanghambog o namakak may kalabutan sa ilang pagamit sa mga programa sa DSWD tungod kay dili kini angayan ibutang sa pwesto.

Awhag ni Macapobre ngadto sa mga politiko nga pasagdan silang taga DSWD nga mohimo sa pagpangapod-apod sa mga tabang ngadto sa katawhan bisan niining panahon sa eleksiyon. Gipahibawo usab ni Macapobre nga dili mahimong hadla-hadlaon sa mga kandidato ang mga sakop sa 4Ps tungod kay mahimo lang kini silang mataktak sa programa kung dili moapil sa gihatag nga mga rekisitos.

Sa laing bahin ang Comelec adunay uwahing pahimangno sa mga botante.

Kini sama sa pagtuman sa liquor ban sugod sa tungang gabii sa Mayo 13 hangtud sa Mayo 14.

Matud ni Atty. Lionel Marco Castillano, provincial election supervisor sa Sugbo, nga usa sa gidili ang pagkuha og hulagway sa balota samtang sulod sa polling place.

Mas maayo sab nga magdala og kodigo sa pangalan sa mga botaran aron paspas ug madali ang pagbotar.  Pahimangno sab ni Castillano nga puwa ang color sa font sa SK ug itom sa Barangay. (Katrina Aguirre, CNU Interns; Rowena D. Capistrano ug Le Phyllis F. Antojado/GMR)(BANAT NEWS)