Rerouting ipatuman sa kapistahan sa Mandaue

CEBU, Philippines — Ipatuman ang rerouting sa kadalanan sa Dakbayan sa Mandaue atol sa kapistahan  karong adlawa.

Sirado ang mga dalan paingon sa City Hall ug National Shrine of Saint Joseph karong adlawa.

Si Glenn Antigua, operation head sa Traffic Enforcement Agency of Mandaue, nipahibawo nga ilang sugdan sa alas 6 sa buntag ang pagsirado sa mga dalan.

Naglakip niini ang A. del Rosario, P. Burgos ug C. Ouano Avenue ug S. B. Cabahug Extention sa Barangay Centro.

Dugang ni Antigua nga higpit sab nilang gidili ang pataka lang og parking sa mga sakyanan kung dili ila kining guyuron ngadto sa impounding area. (Romeo T. Limpangog/GMR)

14-anyos gilugos sa uyoan

Gilugos ang 14-anyos nga dalagita sa   iyang 28-anyos nga uyoan sa Dakbayan sa Carcar kagahapon sa kaadlawon.

Sigun pa sa Carcar City Police Station nga nagpakitabang ang maguwang sa biktima ngadto sa barangay kapitan tungod sa paglugos sa iyang igsoon.

Dali nga gidala sa estasyonan sa polis ang biktima ug gipahigayun ang hot pursuit operation sa suspek.

Pasakaan og kasong rape ang uyoan kinsa gitanggong na sa prisohan sa Carcar City Police Station. (BANAT NEWS)