Salvador labing adunahan sa PB

CEBU, Philippines – Milyonaryo ang tanang sakop sa Provincial Board sa Sugbo base sa ilang gideklarar sa Statement of Assets, Liabilities and Net worth (SALN) sa tuig 2017.

Si Bokal Jose Mari "Tata" Salvador ang labing adunahan kinsa nideklarar og P64.349 milyones nga katigayunan samtang wala’y utang.

Ang ikaduha mao si Bokal Horacio Franco nga nideklarar og P47.4 milyones ug wala’y utang samtang ikatulo si Bokal Thadeo Jovito “Jonkie” Ouano nga adunay P35.975 milyones nga net worth.

Ikaupat si Bokal Edsel Galeos nga adunay P64.122 milyones nga assets apan adunay P35.682 milyones nga utang samtang ikalima si Bokal Alex Binghay nga adunay P25.847 milyones.

Si Bokal Sun Shimura adunay P24.4 milyones, Bokal Glenn Bercede adunay P16.515 milyones, Bokal Celestino "Tining" Martinez III adunay P8 milyones, Bokal Earl Tidy Oyas adunay P7.7 milyones, Bokal Christopher "Dong" Baricuatro dunay P5.4 milyones, Bokal Victoria "Tata" Corominas-Toribio adunay P4.8 milyones, Bokal Miguel Magpale adunay P4 milyones, Bokal Jude Thaddeus Sybico adunay P2.8 milyones, Bokal Jerome Librando adunay P2.2 milyones, Bokal Yolanda Daan adunay P1.4 milyones ug Bokal Raul Bacaltos adunay P1.2 milyones. (/GMR)(BANAT NEWS)