Honorarium sa EB mag-agad sa election returns
CEBU, Philippines – Aron nga makuha ang ilang honorarium isip mga electoral board sa umaabot nga Sangguniang Kabataan (SK) ug Barangay elections kinahanglan nga mabalik sa mga EB ang election returns ngadto sa Comelec.
"Upon the turnover sa katong mga kinahanglan i-submit sa treasurer's office ug Comelec office human sa eleksyon ihatag sa ilaha ang cash card," matud ni Atty. Lionel Marco Castillano ang provincial election supervisor.
Adunay pito ka munisipyo nga wala’y automated teller machine (ATM) hinungdan nga cash o kwarta ang ihatag sa mga election officer sa mga EB ug canvassers.
Matag chairperson sa electoral board makadawat og tag P7 mil samtang ang poll clerk ug third member makadawat og tag P6 mil. Samtang ang mga barangay board of canvassers (BBOC) magdepende sa gidaghanon sa election returns ang ilang madawat nga honorarium.
Kung 25 ngadto sa 36 ka election returns, ang BBOC makadawat og P2,500. Kung 37-48 ka ERs, P3 mil ang madawat samtang tag P4 mil usab kon 49 pataas ka election returns ang mauli.
Ang madawat nga honorarium sa mga EBs ug BBOCs subject kini sa withholding tax. (/IBM)(BANAT NEWS)
- Latest
